Nagpasalamat ko sa Ginoo nga medyo okay na karon ang akong kahimtang. Sa makausa pa, nagsugod na usab akog katawa og naay mga panahon nga daw sa duyanon sa kalipay ang akong dughan tungod sa usa ka tawo nga gigasa kanako sa Amahan. Usahay mangandoy ko nga dili na unta mahuman kani nga kalipay kay mao ra intawon ang nagapalagsik sa akong kalibutan.
Niadtong tua pako sa Pilipinas, dili ko mapakyas pagsimba sa Adlaw sa pagkabanhaw, sayo sa kadlawon aron sa pagsaksi sa pagtabo ni Mama Mary og sa Ginoo. Ginakalipay ko kaayo nga madungog ang kanta sa mga anghel og pagsalo sa mga buwak nga ilang ginaitsa samtang nagakanta sa pagmaya, Aleluya!
Miss na gyud nako. Isa kini sa mga kalihokang Pinoy nga ginapangita nako. Puhon malooy ang Ginoo, makabalik ra gihapon ko og simba sa Pinas og saksi sa mga celebrasyon nga sama niani.
Sa Matthew 28:1-10 mabasa:
"Ayaw kamo kahadlok. Nasayod ako nga nangita kamo kang Jesus nga gilansang sa krus. Wala siya dinhi; nabanhaw siya sumala gayod sa iyang giingon."
Happy Easter sa tanan! Tungod sa akong kamingaw niini nga okasyon, nangita nalang tawon ko og mga video sa youtube aron makasad-ong bahalag karaan na nga video.
Tungod kay adlaw karon sa pagkabanhaw, magmaya kita og magpasalamat.
Gisalig og gihalad ko kang Sr. Santo Nino ang tanan tanan. Kung magool ako, masakit, abtan sa kaluya og kapait, kantahon ko sa makusog ang Gozos sa Santo Nino isip akong pagsimba og paghimaya sa iyang ngalan.
Bato balani sa gugma, Sa daan tawo palangga.
Bato balani sa gugma, Sa daan tawo palangga.
Bato balani sa gugma, Sa daan tawo palangga.
Kanamo Malooy Ka Unta Nga Kanino Nanghinabang (2x)
Dinhi sa siudad sa Sugbo ang matahum mong larawan. Sa unang mga misionero, sa usang balay hipalgan. Kanila ikaw nagpakita gikan da sa imong gugma.
Kanamo Malooy Ka Unta Nga Kanino Nanghinabang (2x)
Giludhan ka og gisimba niadtong mga kaparian sa tanan nga katawhan sa mga ponoan nila Kay sa pagtan-aw kanimo Kristianos sila nahimo.
Kanamo Malooy Ka Unta Nga Kanino Nanghinabang (2x)
Ang simbahan gipatindog niadtong mga tawhana aron ang larawan nimo dunay usang puluyanan ug didto gihangyo nila nga kaluy-an nimo sila.
Kanamo Malooy Ka Unta Nga Kanino Nanghinabang (2x)
Nangayo kami kanimo nga ang matahum mong larawan,sa sulud sa kalag namo makahimong puluyanan, kay sa tanan kinahanglan ikaw ang among dalangpan.
Kanamo Malooy Ka Unta Nga Kanino Nanghinabang (2x)
Perting tugnawa oy! Aning milabay nga mga adlaw grabe gyud katugnaw, ilabi na gyud og gabii na. Kung sa sala magtambay sa gabii ok ra kay magsunog man og kahoy, perti man sad mahala bayronon sa kuryente og perming andar ang heater. Pero paghuman na sa salida, unya moadto nas kwarto nayhhhh.. putos lawas sa baga nga habol. Hay I miss the Philippines na gyud!
Kung moabot ang kasakit, mas maayo nga maghunahuna og mga butang nga makapakalma og makapalig on sa kaugalingon. Panalagsa magbasa kog mga libro or website online nga makatabang sa akoa. Nakadomdom ko ani nga bible verse:
Demonstrate more of the fruit of the Spirit in your life, which is “love, joy, peace, longsuffering, kindness, goodness, faithfulness, gentleness, self-control” (Gal. 5:22-23).
Nagpasalamat ko nga bisan ingon ani lang ko (kung unsa man gani ang tan-aw sa akoa sa mga tao), nagapaningkamot ko nga magpuyo nga puno sa pagmahal ang kasingkasing og puno sa kalooy. Tao lang sad ko, mogawas ang sungay kung gikinahanglan apan kung ayohon sad kog tratar, maayo sad baya ko. Love, joy (bisan usahay dili gyud malipayon, makigjoy nalang gihapon unsaon wala man tay choice), kindness (i hope permi).....faithfulness (usahay makaingon ko nga di sad maayo ang faithful ta nga tao labi na kung ang imong gifaithfulan dili faithful sa imoha, apan wala man koy choice, naa ba? ingon ani naman gyud ko. Ang akoa nalang ginahunahuna nga, usahay bisan maayo ka nga tao, masakitan gyud ka, pasakitan gyud ka. Basta kaya ni nako...kayahon ni nako ang mga pagsulay. Mopiyong kung gikinahanglan, mohilak para maubsan ang kasakit, mokatawa basin rag pati ang akong kaugalingon, mailad ko ra. Dili ko pasagdan ni Lord.
Unyang gabii magtabo na ang mga tawo sa bag-ong tuig. Ang 2009 kay Year of the Ox man kuno ingon ang Chinese astrology. Gatoo bamo ana? Ako kay tig sunod man ko sa ponsoy pero labaw gyapon si Lord para sa akoa.
Naandan na nako nga magpalihi og kwarta sa milabay nga mga katuigan. Mag andam pako og sinsilyo para unya, maayog makalihi kos hagdanan. Pasaka kwarta.
Unsa man inyong mga palihi sa new year?
Hapit na gayod matapos ang tuig 2008. Pila nalang ka mga adlaw 2009, bag-ong tuig, bag-ong kinabuhi. Malipayon ko nga gamata pa sa kabuntagon. Bisan mamingawon ang mga adlaw nga gapanglabay apan kay naginhawa man gihapon og nagakaon, og nagakadungog sa huni sa mga langgam og aliwaros sa hangin, ok lang gihapon. Pasalamat gihapon sa Ginoo, kang Sr. Santo Nino nga sukad pa sa unang panahon, ilabi na niadtong kauban pa nako si dear, wala gyud nagpasagad namong duha.
Mingaw raba ang selebrasyon dinhe sa New Year, ambot lang gyud sa langaw. Kung dili lang New Year nah matulog rako. Magtan aw nalang kos TV ani, sama sa mga nanlabay nga katuigan kay mora ra sad tag kaapil sa kabibo sa mga tawo sa New York.
Unsa kahay nagpaabot sa kapalaran sa mga bulingit sa 2009. Ang tumoy tumoy sa 2008 pastilan ka magol anon, apan walay mahimo kundili mag ADJAAAAAAAAAA. Bisan ako nalang isa mag Adja. Adja lang gihapon. Akoa nalang isalig kang Sr. Nino akong mga luha, aron mogahi ra ning akong dughan.
Pasalamat ko sa tanang mga grasya nga gihatag sa akoa, ilabi na gyud ang gugma og kalipay og kabaskog sa akoang mga mahal sa kinabuhi. Pastilan aning mangambisyon ta, grabe gyud ang kaubang agwanta og sakripisyo. Hapit na moabot akong gipaabot, pero akoang paminaw, gakahanaw sad ang usa ka butang na importante kaayo sa akoa og maoy rason nganong nia ko dinhe, nag agwanta sa kamingaw og kakapoy. Hinoon nasayod man si Lord sa akong heart, siya nalang mag-igo nako. Baslan rag kalipay ang akong mga luha nga nagbaha. Maayo untag agik ik na og katawa ang mosonod nga igasa sa Ginoo.
Kumusta man inyong pasko? Ako naglingaw lingaw nalang sad ko. Pait maning pasko dinhe oy kay di pareho sa Pilipinas na sadya gyud kaayo, unya magtigom tigom ang mga silingan. Sos, pastilan igo ra magtapok ang pmailya dinhe unya lahiiiiii ra gyud kaayo. Mora ra man nia og nagtapok pamilya sa Domingo. Hahay, naglingaw lingaw nalang lagi ko para ma feel sad nako ang kasadya sa pasko. Dili bibo akong pasko pero gusto nako nga magsadya kay celebration gud na sa adlaw natawhan sa atong Ginoo. Lain man sad kaayo nga mag gool gool ko nga birthday man ni Lord, basin maghiubos unya sa akoa. Nagpaabot intawon kos tawag sa akong pinalanggang bulingit, ay wala man ko gitawagan oy. Bisan text wala gyud. Gikalimtan nalang gyud ko sa dayon. Usahay maghunahuna ko nga ahhh busy lang ang linya sa telepono or sa cellphone basin wala makasulod. Pastilan gyud ning mahigugma ta kay bisan kabalo gyud ta nga negatibo ang hinungdan, mangita gyud og paagi ang dughan nga mabaskog nalang. Maningkamot og makakita og rason na maayo aron di masakitan. Pastilan!
Sadya ba inyong pasko?
Merry Christmas sa Tanan.
Mingaw gyud pasko oy labi na og wala imong mga mahal sa kinabuhi. Magool sad tag paminaw sa mga kantang pang pasko labi na gyud ning kantang bisaya pamasko o title Pasko sa Usa Ka Binilanggo. Ganahan kaayo kos chorus...paminawa ninyo.
|
Kung naay walkaton, naa sad siguroy blogaton no? hehehe. Perti nakong banat og blog karong adlawa, morag nahurot gyud akong tinaguan nga inengles kay sa kadaghan sa akong blog hangakon tag binasa og type. Nanakit tawon akong kubalon na nga mga tudlo. hahayy..basin sunod nga mga bulan dili na nail cutter kinahanglan ani, garden clippers na. Hahaha.
Nagmahay ko kaganiha nga wala ko nakiglakaw og kaon sa gawas da. Saon nga wala man nag online akong gipaabot nga kiting. Sos, ugma na sad manlakaw, perting kalagaan aning akong kauban sa balay oy, naa siguro ni tinaguan nga ila sa tiil. Akoa ra ning inspectionon kung makalugar.
So unsay balita? Wala! banat lang tag trabaho ani hala bira para makapalit tag nindot nga mga kumingking kay baga baga na kalyo ta.
Naa ko'y nailhan nga pinay nga dool ra sa amoang lugar. Arang arang kay bisaya pud. Nakachat nako kaganina. Nindot sad ning naa tay katabi nga pareho nato bisaya dah. Kahurot na akong tinagalog og iningles dinhe. hehehe.
Ay kinabuhi makakalilibog. Daghan pilian, sa bisan unsa na mga butang, hitabo, tawo og uban pa. Matag adlaw, sa atong pagmata sa buntag, permi ta maghimo og desisyon, mobakod ka na ba, matulog pa, maligo ba una, o mag tootbrush sa. Tsk..makakapoy sad usahay da. Lami siguro naay personal assistant panalagsa no?