Unyang gabii magtabo na ang mga tawo sa bag-ong tuig. Ang 2009 kay Year of the Ox man kuno ingon ang Chinese astrology. Gatoo bamo ana? Ako kay tig sunod man ko sa ponsoy pero labaw gyapon si Lord para sa akoa.
Naandan na nako nga magpalihi og kwarta sa milabay nga mga katuigan. Mag andam pako og sinsilyo para unya, maayog makalihi kos hagdanan. Pasaka kwarta.
Unsa man inyong mga palihi sa new year?
Hapit na gayod matapos ang tuig 2008. Pila nalang ka mga adlaw 2009, bag-ong tuig, bag-ong kinabuhi. Malipayon ko nga gamata pa sa kabuntagon. Bisan mamingawon ang mga adlaw nga gapanglabay apan kay naginhawa man gihapon og nagakaon, og nagakadungog sa huni sa mga langgam og aliwaros sa hangin, ok lang gihapon. Pasalamat gihapon sa Ginoo, kang Sr. Santo Nino nga sukad pa sa unang panahon, ilabi na niadtong kauban pa nako si dear, wala gyud nagpasagad namong duha.
Mingaw raba ang selebrasyon dinhe sa New Year, ambot lang gyud sa langaw. Kung dili lang New Year nah matulog rako. Magtan aw nalang kos TV ani, sama sa mga nanlabay nga katuigan kay mora ra sad tag kaapil sa kabibo sa mga tawo sa New York.
Unsa kahay nagpaabot sa kapalaran sa mga bulingit sa 2009. Ang tumoy tumoy sa 2008 pastilan ka magol anon, apan walay mahimo kundili mag ADJAAAAAAAAAA. Bisan ako nalang isa mag Adja. Adja lang gihapon. Akoa nalang isalig kang Sr. Nino akong mga luha, aron mogahi ra ning akong dughan.
Pasalamat ko sa tanang mga grasya nga gihatag sa akoa, ilabi na gyud ang gugma og kalipay og kabaskog sa akoang mga mahal sa kinabuhi. Pastilan aning mangambisyon ta, grabe gyud ang kaubang agwanta og sakripisyo. Hapit na moabot akong gipaabot, pero akoang paminaw, gakahanaw sad ang usa ka butang na importante kaayo sa akoa og maoy rason nganong nia ko dinhe, nag agwanta sa kamingaw og kakapoy. Hinoon nasayod man si Lord sa akong heart, siya nalang mag-igo nako. Baslan rag kalipay ang akong mga luha nga nagbaha. Maayo untag agik ik na og katawa ang mosonod nga igasa sa Ginoo.
Kumusta man inyong pasko? Ako naglingaw lingaw nalang sad ko. Pait maning pasko dinhe oy kay di pareho sa Pilipinas na sadya gyud kaayo, unya magtigom tigom ang mga silingan. Sos, pastilan igo ra magtapok ang pmailya dinhe unya lahiiiiii ra gyud kaayo. Mora ra man nia og nagtapok pamilya sa Domingo. Hahay, naglingaw lingaw nalang lagi ko para ma feel sad nako ang kasadya sa pasko. Dili bibo akong pasko pero gusto nako nga magsadya kay celebration gud na sa adlaw natawhan sa atong Ginoo. Lain man sad kaayo nga mag gool gool ko nga birthday man ni Lord, basin maghiubos unya sa akoa. Nagpaabot intawon kos tawag sa akong pinalanggang bulingit, ay wala man ko gitawagan oy. Bisan text wala gyud. Gikalimtan nalang gyud ko sa dayon. Usahay maghunahuna ko nga ahhh busy lang ang linya sa telepono or sa cellphone basin wala makasulod. Pastilan gyud ning mahigugma ta kay bisan kabalo gyud ta nga negatibo ang hinungdan, mangita gyud og paagi ang dughan nga mabaskog nalang. Maningkamot og makakita og rason na maayo aron di masakitan. Pastilan!
Sadya ba inyong pasko?
Merry Christmas sa Tanan.
Mingaw gyud pasko oy labi na og wala imong mga mahal sa kinabuhi. Magool sad tag paminaw sa mga kantang pang pasko labi na gyud ning kantang bisaya pamasko o title Pasko sa Usa Ka Binilanggo. Ganahan kaayo kos chorus...paminawa ninyo.
|
Kung naay walkaton, naa sad siguroy blogaton no? hehehe. Perti nakong banat og blog karong adlawa, morag nahurot gyud akong tinaguan nga inengles kay sa kadaghan sa akong blog hangakon tag binasa og type. Nanakit tawon akong kubalon na nga mga tudlo. hahayy..basin sunod nga mga bulan dili na nail cutter kinahanglan ani, garden clippers na. Hahaha.
Nagmahay ko kaganiha nga wala ko nakiglakaw og kaon sa gawas da. Saon nga wala man nag online akong gipaabot nga kiting. Sos, ugma na sad manlakaw, perting kalagaan aning akong kauban sa balay oy, naa siguro ni tinaguan nga ila sa tiil. Akoa ra ning inspectionon kung makalugar.
So unsay balita? Wala! banat lang tag trabaho ani hala bira para makapalit tag nindot nga mga kumingking kay baga baga na kalyo ta.
Naa ko'y nailhan nga pinay nga dool ra sa amoang lugar. Arang arang kay bisaya pud. Nakachat nako kaganina. Nindot sad ning naa tay katabi nga pareho nato bisaya dah. Kahurot na akong tinagalog og iningles dinhe. hehehe.
Ay kinabuhi makakalilibog. Daghan pilian, sa bisan unsa na mga butang, hitabo, tawo og uban pa. Matag adlaw, sa atong pagmata sa buntag, permi ta maghimo og desisyon, mobakod ka na ba, matulog pa, maligo ba una, o mag tootbrush sa. Tsk..makakapoy sad usahay da. Lami siguro naay personal assistant panalagsa no?
Ahayyyy.... pastilan ning value sa dolyares, kadali ba nga miubos. Imbes hapit nato mag singkwenta mihagba man noon sa kwarentay sente...sos..paubos pa gyud. Nah pasensya ta ani sa pamilya kay gamatuting ra gyud mabaylo ani pag-abot sa Pilipinas kong minumutya. Kanus-a ba mag isa ka gatos ang one dollar oy?
Makatapol karon ang panahon. Tugnaw nga ulan ulan. Gisapot lang ko kadiyot ganiha kay pagkahuman nakong pamunyag sa garden, ayha man mibutho ang kusog nga ulan. Pastilan, kung nagsaba lang si haring langit nga mohilak diay siyag daghan la na unta ko maghago hago og bira adtong bug at nga hose aron mamunyag sa mga tanom. Imbes nahuman nako, ayha pa noon. Sige nalang kay wala man ko mabasa og ayo. Banat og dagan sulod balay. Unya...
Nagbasa basa nalang ko online, makalagot pud kay gakawala wala ang connection sa akong wireless internet, katampunan siguro sa baga nga gabon ang satelite. Nangatingala akong mga ka chat nga kawala lang ko sa Yahoo nga walay panaghid, naputol man diay to. Hehehe. Pagbalik nako online, aron di ko sapoton ay nagbasa basa kog mga tsismis sa artista, hehehe. Makalingaw sad ni sila da. Sama nalang ni Ara Mina nga sa iyang karaang litrato sa wala pa siya magpaseksi nga perti pa mang gamaya sa atubangan, karon haska namang dakoa, mahadlok ta nga matagak. Hahaha.
Kung ako kahay madato no? unsa kahay modako? Mata? Bulsa? Ilong? Ulo? Dughan? Likod? Maayo untag bulsa ra. O ba kaha tiyan. Dili buros ha...busog.
Ang tao bisan unsa kuno ka bibo, ka kusog mokatawa, og magbinuang, aduna gayoy mga panahon nga sumhan, kapoyan, tapulan, og alimusungan sa kamingaw sa payag. Sadya man siya sa kaugalingon, moabot gayod ang panahon nga makabu. Unsay makabu? Kamo nalay mag igo og unsa na siya. Hahaha. Bitaw, makabu...makabu- ang? makabu-yong? makabu- sog? Hmmm...maayo untag ang ulahi maoy tubag da! Bitaw permi man kuno ko busy, bisan unsa lang akong tikaw tikawon, pero pag abtan og kakapoy og kalaay hada! samok. tungod sa kadaghan nga trabahoon naglibog nag unsay unahon. Maong nia lingkod atubang sa computer. Perti nang bun-oga sa keyboard, may gani kay dili ka reklamo, di kadial og 911. Hehehe.
Ganiha rakong paabot sa akong pinalanggang iring nga mag online, wala pa man. Di na tingali to mag online, pati akong mga amigas wala sad. Maong dinhe nalang kos selp tok. Wala pay makapalag. Hehehe. Nasayod ba mo nga maayo sa tao ang mag selp tok? Ingon sila maayo kuno na aron dili ma taytok. Tinood kaha?
Pagpili asa ka? gugma o kwarta? este sayop diay...selp tok? or taytok?
Bitaw, welkam mo diha...una ni nakong yawit, kay kapoy sige iningles kahurot akong english, walo ra raba nia kabook. Welcome, thank you, yes, no...hehehe. Di na nako isulti ang uban kay maklaro na gyud nga walo ra gyud tawon ang makaya. Perti sad kapoya magsige blog oy na english ga dugo dugo na akong ilong maka hemoreyds. Hehehe. Maong dinhe ko magsaba saba og way lingaw.
Na hala, sunod na sad nga higayon ha? kay morag sakit naman akong kamot sige pindot sa keyboard. Kanus-a kaha mauso ang voice blog no? Aron mag tagawtaw nalang ta.